Սեռական բռնության ենթարկված քույրերի փաստաբանը մանրամասներ է հայտնել
Վեդիում սեռական բռնության ենթարկված երկու անչափահաս քույրերի հորեղբայրն է Ոստիկանությունում, իսկ հանցագործները վկայի կարգավիճակով են կանչվել հարցաքննության, և այժմ գտնվում են ազատության մեջ. այսօր հրավիրած ասուլիսում ասաց անչափահաս քույրերի փաստաբան Վարդուհի Էլբակյանը:
«Երեխաները նույնիսկ տնից դուրս չեն գալիս, ապրում են տարբեր տներում՝ ոչ իրենց տանը»,- ասաց փաստաբանը:
Նա հավելեց, որ երեխաները վախի և տագնապի մեջ են, այս ընթացքում որևէ աջակցություն չեն ստացել պետական մարմինների կողմից՝ ո՛չ հոգեբանական, ո՛չ սոցիալական:
Ինչ վերաբերում է գործի քննությանը, ապա փաստաբանն ասաց, որ մանրամասները սահմռկեցուցիչ են.«Քույրերը զննվել են գինեկոլոգի կողմից. սարսափելի է»:
Ավելի վաղ լրատվամիջոցները գրել էին, որ Վեդիում մանկապղծության դեպք է եղել։ Սեռական բռնության են ենթարկվել քույրեր, սակայն ընտանիքի համաձայն՝ լիարժեք քննություն չի տարվում:
