Շենավանի գյուղապետը համագյուղացու հետ անձնական հարցերը «պարզել» է ձեռքերով ու ոտքերով, վերջինս տեղափոխվել է հիվանդանոց
Վիճաբանություն և ծեծկռտուք՝ Լոռու մարզում․ գրում է shamshyan.com-ը։
«Շենավան բնակավայրի վարչական ղեկավարը ձեռքերով և ոտքերով հարվածել է հասցրել քաղաքացու դեմքին և մարմնի տարբեր հատվածներին․ նա տեղափոխվել է հիվանդանոց, որտեղ արձանագրվել են «ստորին ծնոտի ձախ անկյան բազմաբեկոր կոտրվածք տեղաշարժով, ենթամաշկային էնֆիզեմա» ախտորոշումներ։
Պարզվել է, որ մայիսի 2-ին ժամը 23։30-ի սահմաններում Սպիտակ համայնքի Ալեք Մանուկյան 1 հասցեում գտնվող ավտոգազալցակայանի առջևի հատվածում անձնական հարցերի շուրջ առաջացած վիճաբանության ընթացքում Լոռու մարզի բնակիչ 35-ամյա Մխիթար Մ․-ն ձեռքերով և ոտքերով հարվածներ է հասցրել Գոռ Ա․-ի դեմքին և մարմնի տարբեր հատվածներին՝ պատճառելով մարմնական վնասվածքներ»,- նշում է լրատվամիջոցն՝ ավելացնելով, որ ըստ տեղեկությունների՝ Մխիթար Մ-ն Շենավանի վարչական ղեկավարն է։
