Միլիարդատեր Իլոն Մասկը կարող է դառնալ առաջին դոլարային տրիլիոնատերը

Միլիարդատեր Իլոն Մասկը կարող է դառնալ առաջին դոլարային տրիլիոնատերը․ նրա հիմնած SpaceX ընկերությունը դիմում է ներկայացրել բաժնետոմսերի առաջնային տեղաբաշխման (IPO) վերաբերյալ, ինչը ենթադրում է, որ ընկերությունն իր բաժնետոմսերն առաջին անգամ վաճառքի է հանում ներդրողների լայն շրջանակի համար։

Ակնկալվում է, որ այն կլինի Ուոլ Սթրիթի պատմության մեջ ամենամեծը․ հայտնում է CNBC-ն։

2025 թվականին Մասկը դարձավ առաջին մարդը, որի կարողությունը գերազանցեց 500 միլիարդ դոլարը։ SpaceX-ի բաժնետոմսերի տեղաբաշխումից հետո Մասկի կարողությունը կարող է է՛լ ավելի մեծանալ, և արդյունքում նա կդառնա աշխարհի առաջին դոլարային տրիլիոնատերը։