Լավրովը զրուցել է Պաղեստինի փոխնախագահի հետ
Ռուսաստանի արտաքին գործերի նախարար Սերգեյ Լավրովը քննարկել է պաղեստինա-իսրայելական հակամարտության գոտում տիրող վիճակը Պաղեստինի փոխնախագահ Հուսեյն Շեյխի հետ. հայտնում են Ռուսաստանի արտաքին գործերի նախարարությունից։
«Զրույցի ընթացքում քննարկվել է պաղեստինա-իսրայելական հակամարտության գոտում տիրող վիճակը՝ շեշտը դնելով Գազայի հատվածում կայուն հրադադարի ապահովման և անկլավի՝ գրեթե ամբողջությամբ ավերված քաղաքացիական ենթակառուցվածքների վերականգնման աշխատանքների արագ մեկնարկի, նաև Արևմտյան ափում իրավիճակի կարգավորման անհրաժեշտության վրա», – նշված է հաղորդագրության մեջ։
