Ռուբիոն մեկ ժամում ՀՀ-ում կարևորագույն հանքանյութերի մասին հուշագիր է ստորագրել․ Stratfor

ԱՄՆ պետքարտուղար Մարկո Ռուբիոն և ՀՀ արտաքին գործերի նախարար Արարատ Միրզոյանը ստորագրել են ԱՄՆ-ի և Հայաստանի միջև համագործակցության շրջանակային համաձայնագրի նախագիծ «Թրամփի երթուղու» շուրջ։ Ռուբիոյի մեկժամյա այցի ընթացքում Երևանում ստորագրվել է նաև կարևորագույն հանքանյութերի և հազվագյուտ մետաղների վերաբերյալ հուշագիր․ գրել է Stratfor վերլուծական կենտրոնը։

Ինչպես նշվել է, փաստաթղթերը Նիկոլ Փաշինյանին կտան ԱՄՆ-ի աջակցությունը՝ հունիսի 7-ի խորհրդարանական ընտրություններից առաջ՝ ամրապնդելով նրա այն փաստարկը, որ արևմտյան ավելի սերտ կապերը կարող են Հայաստանին բերել ներդրումներ, տրանսպորտային հասանելիություն և ռազմավարական նշանակություն՝ առանց Ռուսաստանի հետ հարաբերությունների անհապաղ խզման։ Սակայն Փաշինյանի «Քաղաքացիական պայմանագիր» կուսակցության գրանցած թույլ արդյունքը կարող է դանդաղեցնել դրանց իրականացումը և ռուսամետ ուժերին ավելի շատ հնարավորություն տալ սահմանափակելու Հայաստանի արևմտյան շրջադարձը։

Ռուսաստանն աստիճանաբար ավելի խիստ նախազգուշացումներ է անում Հայաստանի՝ արևմտյան շրջադարձի վերաբերյալ և սպառնացել է բարձրացնել Եվրասիական տնտեսական միությանը (ԵԱՏՄ) Հայաստանի անդամակցության հարցը մայիսի 28-29-ը Աստանայում կայանալիք գագաթնաժողովում։