ԱՄՆ նախկին պաշտոնյան ձերբակալվել է տանը պետությանը պատկանող ավելի քան 40 միլիոն դոլարի ոսկու ձուլակտորներ պահելու համար

ԱՄՆ կառավարության նախկին պաշտոնյա Դեյվիդ Ռաշը ձերբակալվել է, երբ Հետաքննությունների դաշնային բյուրոյի (ՀԴԲ) աշխատակիցները Վիրջինիայի նրա տանը հայտնաբերել են ավելի քան 40 միլիոն դոլար արժողությամբ ոսկու հարյուրավոր ձուլակտորներ․ գրում է BBC-ն։

Դատարանի փաստաթղթերի համաձայն՝ Ռաշը վերջին մեկ տարվա ընթացքում մի քանի անգամ դիմել է ԱՄՆ կառավարությանը՝ խնդրելով «աշխատանքային ծախսերի» համար իրեն տրամադրել այդ ձուլակտորները։

Անցյալ շաբաթ ներկայացված բողոքի հիման վրա նրան մեղադրանք է առաջադրվել պետական միջոցների հափշտակության համար։

The New York Times-ի հաղորդմամբ՝ Ռաշը մինչև վերջերս բարձր պաշտոն էր զբաղեցնում ԱՄՆ Կենտրոնական հետախուզական վարչությունում։

Նախկին պաշտոնյան, որն, ըստ դատարանի փաստաթղթերի, ուներ գաղտնի տեղեկություններին հասանելիություն, մեղադրվում է նաև կառավարական աշխատանքի համար դիմելիս իր կրթության և զինվորական ծառայության մասին ստելու, ինչպես նաև կեղծ հիմքերով արձակուրդ վերցնելու և այդ ընթացքում հազարավոր դոլարների աշխատավարձ ստանալու համար։