Միլիարդավոր դոլարների ոսկի է արդյունահանվում Ամազոնի արևադարձային անտառներից

Ամազոնի արևադարձային անտառներից դեռևս ապօրինի կերպով միլիարդավոր դոլարների արժողությամբ ոսկի է արդյունահանվում՝ չնայած Բրազիլիայի նախագահ Լուիս Ինասիո Լուլա դա Սիլվայի՝ ապօրինի հանքարդյունահանման դեմ ջանքերին․ գրում է Reuters գործակալությունը՝ հղում անելով Greenpeace վերահսկողական կազմակերպությանը։

2023 թվականին պաշտոնը ստանձնելուց հետո Լուլա դա Սիլվան խոստացել էր վերացնել ոսկու անօրինական արդյունահանումը, որը խրախուսում էր նախկին նախագահ Ժաիր Բոլսոնարուն:

Անցյալ տարի Բրազիլիայի դաշնային ոստիկանությունն առգրավել է ռեկորդային 447 կգ անօրինական արդյունահանված ոսկի:

Greenpeace-ի ուսումնասիրությունը պարզել է, որ աշխարհաքաղաքական անկայունության պայմաններում ոսկու գների աննախադեպ աճի ֆոնին՝ հանքագործներն օգտագործում են հանքարդյունաբերական գործունեություն չիրականացնող վայրերից ստացած թույլտվություններ՝ ապօրինի արդյունահանված ոսկու ծագումը կեղծելու համար։