«Զանգեզուրի միջանցքն» անպայման կկառուցվի․ Ալիև

«Մենք բացում ենք նոր տրանսպորտային միջանցքներ՝ ներդրումներ կատարելով երկաթուղային և ճանապարհային ենթակառուցվածքներում»․ հայտարարել է Ադրբեջանի նախագահ Իլհամ Ալիևը Բաքվի 31-րդ էներգետիկ ֆորումի պաշտոնական բացման արարողության ժամանակ։

Հիշեցնելով, որ Արևելք-Արևմուտք միջանցքը հաջողությամբ գործում է՝ Ալիևը նշել է. ««Զանգեզուրի միջանցքը», որը կդառնա Արևելք-Արևմուտք միջանցքի ևս մի ճյուղ, անպայման կկառուցվի 2025 թվականի օգոստոսի 8-ին Սպիտակ տանը ԱՄՆ նախագահի, Հայաստանի վարչապետի և իմ միջև ստորագրված փաստաթղթի համաձայն»։