Լոս Անջելեսում սպանության-ինքնասպանության զոհ դարձաձ հայ ընտանիքի անդամները պաշտոնական դրամահավաք են սկսել

Լոս Անջելեսում սպանության-ինքնասպանության զոհ դարձած հայ ընտանիքի անդամները պաշտոնական դրամահավաք են սկսել՝ տարածելով հայտարարություն․

«Մեր ընտանիքը խորապես վշտացած է Խաժակ Բասմաջյանի (31), նրա կնոջ՝ Մարինեի (29), նրանց որդու՝ Ալեքի (2) և նրանց նորածին դստեր՝ ընդամենը 6 օրական Էլլայի ողբերգական կորստով։

Մի ակնթարթում մենք կորցրինք մի ամբողջ երիտասարդ ընտանիք, որը խորապես սիրված էր բոլոր նրանց կողմից, ովքեր ճանաչում էին նրանց։ Խաժակը նվիրված ամուսին էր, սիրող հայր, սիրելի որդի, եղբայր և ընկեր։ Ճանաչել նրան՝ նշանակում էր սիրել նրան։ Դեմքին փայլող ժպիտով և կյանքի նկատմամբ դրական հայացքով՝ նա իսկապես ընկեր էր, որի վրա կարող էիր հույս դնել։

Մարինը հոգատար մայր ու կին էր, որը մխիթարություն էր գտնում կազմակերպվածության մեջ և վայելում էր իր սիրելիների հետ հավաքույթները։

Ալեքն ուրախություն և ծիծաղ էր բերում ամենուր, ուր էլ որ գնար։ Իր պայծառ ժպիտով և հորից ժառանգած ուրախ աչքերով՝ նա սիրում էր իր խաղալիք մեքենաները և կյանքի համը զգալը (պաղպաղակը նրա սիրելին էր)։ Ալեքն անհամբեր սպասում էր իր փոքրիկ քույրիկի՝ Էլլայի հետ հանդիպմանը, որն ապրեց ընդամենը 6 օր։

Քանի որ մենք կանգնած ենք ընտանիքի 4 սիրելի անդամներին հարգանքի տուրք մատուցելու և հուղարկավորելու անհավանական խնդրի առաջ, մենք խնդրում ենք աջակցություն՝ այս դժվարին ժամանակահատվածում հուղարկավորության, հիշատակի և այլ անսպասելի ծախսերի համար»։

Ավելի վաղ Լոս Անջելեսի ոստիկանության գրասենյակը հայտարարել էր, որ ընտանիքի 3 անդամները մահացել են գլխին ստացած հրազենային վնասվածքներից։ Նրանք նույնականացվել են որպես 31-ամյա Խաժակ Բասմաջյան, 2-ամյա Ալեք Բասմաջյան և 6 օրական Էլլա Բասմաջյան։

30-ամյա Մարինե Բասմաջյանը նույնպես մահացել է գլխին ստացած հրազենային վնասվածքից, սակայն նրա մահը, ըստ ոստիկանության, ինքնասպանություն է եղել։