Մեդվեդևը շնորհավորել է Փաշինյանին ծննդյան օրվա առթիվ՝ հիշեցնելով նրան Տրոցկու անցած ուղին

Ռուսաստանի անվտանգության խորհրդի փոխնախագահ Դմիտրի Մեդվեդևը Նիկոլ Փաշինյանի ծննդյան օրվա առթիվ արած գրառման մեջ Եվրասիական տնտեսական միությանն անդամակցության հանրաքվեի վերաբերյալ նրա գործողությունները համեմատել է խորհրդային քաղաքական գործիչ Լև Տրոցկու որոշումների հետ․ գրում է ria.ru-ն։

«Ընկեր Նիկոլը գնացել է ընկեր Տրոցկու վտանգավոր ճանապարհով։ Արձագանքելով հանրաքվեի կոչին, թե ո՞ր ինտեգրացիոն միավորմանը պետք է միանա Հայաստանը (ԵԱՏՄ-ին, թե ԵՄ-ին), նա հիշատակել է Լև Դավիդովիչի լեգենդար բանաձևը. «Ո՛չ պատերազմ, ո՛չ խաղաղություն, այլ լուծարե՛լ բանակը»», – գրել է Մեդվեդևը Max ալիքում։

Ռուսաստանի ԱԽ փոխնախագահը հիշեցրել է, որ այս բանաձևը հանգեցրել է նրան, որ երկիրը ստիպված է եղել կնքել Բրեստ-Լիտովսկի հաշտության պայմանագիրը 1918 թվականին, բայց «ավելի վատ պայմաններով»։

«Եվ Տրոցկու ոլորապտույտ ճանապարհն ավարտվեց նրա համար բավականին ողբերգականորեն», – նշել է նա։

«Շնորհավոր ծնունդդ, Նիկոլ Վովաևիչ», – գրել է նա։