Իրանը չափազանց երկար ձգձգեց բանակցությունները, և այժմ ստիպված կլինի վճարել դրա գինը․ Թրամփ
Truth Social-ում արված գրառման մեջ ԱՄՆ նախագահ Դոնալդ Թրամփը հայտարարել է, որ Իրանի զինված ուժերը լիակատար և ամբողջական քաոսի մեջ են։
«Իրանի զինված ուժերի մեծ մասը՝ նավատորմը և օդուժը, նույնիսկ այլևս գոյություն չունեն. նրանք լիովին պարտվել են»,- գրել է ԱՄՆ նախագահը։
Նա հավելել է, որ Իրանը միայն խոսում է և չի գործում։
«Մերձավոր Արևելքի կռվարարն այլևս չկա։ Նրանք չափազանց երկար ձգձգեցին բանակցություններն այնպիսի համաձայնության շուրջ, որը կարող էր շատ շահավետ լինել իրենց համար, և այժմ ստիպված կլինեն վճարել դրա գինը»,- գրել է Թրամփը։
