Վատիկանը հրաժարվել է թույլ տալ կանանց և աշխարհիկներին քարոզներ կարդալ պատարագի ժամանակ
Վատիկանը վերահաստատել է երկարամյա կանոնը, ըստ որի կաթոլիկ եկեղեցում պատարագի ժամանակ քարոզ կարող է կարդալ միայն ձեռնադրված քահանան կամ սարկավագը՝ մերժելով գերմանացի եպիսկոպոսների խնդրանքը՝ թույլ տալ, որ պատարագի ժամանակ քարոզ կարդան նաև կանայք կամ այլ աշխարհիկ հավատացյալներ․ գրում է Reuters գործակալությունը։
Վատիկանից հայտնել են, որ «գործող կարգապահական կանոնները չեն կարող չեղարկվել»։
«Քարոզը քահանային կամ սարկավագին վերապահելը պարզապես կարգապահական նորմ չէ, այլ բխում է հենց պատարագի բնույթից», – ասվում է Վատիկանի հայտարարության մեջ:
