Նեթանյահուն վստահեցրել է, որ ԱՄՆ-ի և Իսրայելի միջև տարաձայնություններ չկան
Իսրայելի վարչապետ Բենիամին Նեթանյահուն հայտարարել է, որ Իսրայելի կառավարության և Վաշինգտոնի վարչակազմի միջև քաղաքական, այդ թվում՝ Իրանի հարցով, տարաձայնություններ չկան։
«Ես չեմ կարծում, որ տարաձայնություններ կան», – վստահեցրել է նա Fox News-ի եթերում՝ խոսելով երկրների միջև հարաբերությունների մասին։
«Ամերիկան մեզ անվանել է օրինակելի դաշնակից, քանի որ, ի տարբերություն ձեր այսպես կոչված դաշնակիցներից շատերի՝ մենք իրականում կռվում ենք ձեզ հետ կողք կողքի», – ընդգծել է նա։
Նեթանյահուն նշել է, որ ԱՄՆ ու Իսրայելն ունեն ընդհանուր նպատակներ և ցանկանում են, որ Իրանը հրաժարվի միջուկային զենք ունենալու գաղափարից։
