Օձունում գազի լցակայան է փակվել․ պատկան մարմինը չափիչ միջոցներում թերություններ է հայտնաբերել
ՀՀ Շուկայի վերահսկողության տեսչական մարմնի իրականացրած վերահսկողական միջոցառումների շրջանակում՝ ՀՀ Լոռու մարզի Օձուն գյուղում գործող ավտոգազալիցքավորման ճնշակայանում (ԱԳԼՃԿ), որ պատկանում է «ՍԱՐԳԻՍ» ՍՊԸ-ին, անցկացվել են ստուգումներ․ տեղեկացնում է Շուկայի վերահսկողության տեսչական մարմինը։
«Պարզվել է, որ ընկերությունը շահագործում է չստուգաչափված չափիչ միջոցներ, ինչի արդյունքում կասեցվել է ավտոգազալիցքավորման ճնշակյանի գազաբաշխիչ աշտարակների գործունեությունը՝ մինչև հայտնաբերված խախտումների վերացումը։
Ընկերության տնօրենին հանձնարարվել է ձեռնարկել անհրաժեշտ միջոցներ և սահմանված ժամկետում վերացնել խախտումը։
Հայտնաբերված խախտումների հիմքով տնտեսվարող սուբյեկտն օրենքով սահմանված կարգով կենթարկվի վարչական պատասխանատվության»,- ասված է հաղորդագրությունում։
