Ստեփանավանում՝ Արմանիսում, հանքի տարածքները չեն ընդլայնվելու
Հենց նոր ստացվեց Շրջակա միջավայրի նախարարության պատասխանն այն մասին, որ «Սագամար» ՓԲԸ-ի ներկայացրած նախագծին տրվել է բացասական եզրակացություն, այսինքն մեր բոլորի ջանքերի, ստորագրությունների, հանրայնորեն արտահայտած դիրքորոշումների և Շրջակա միջավայրի նախարարության անաչառ աշխատանքի շնորհիվ Արմանիսի հանքի տարածքները չեն ընդլայնվելու։ Այս մասին տեղեկանում ենք «Ստեփանավանն առանց հանքի» Facebook-ի էջից։
«Մենք ու մեր երեխաներն ապրելու ենք կանաչ, մաքուր Ստեփանավանում։
Շնորհակալություն բոլորիդ սրտացավության, աջակցելու և ներդրած ջանքերի համար։ Մենք ուժեղ ենք միասին։
Մեր պայքարը շարունակական է լինելու։ Թույլ չենք տալու որևէ ոտնձգություն հայրենի բնության նկատմամբ»,- ասված է գրառման մեջ։
