Հայաստանն ու Հնդկաստանն ակտիվորեն շարունակում են տակտիկական հրթիռների առուվաճառքի բանակցությունները

Հնդկաստանն ու Հայաստանն ակտիվորեն շարունակում են հնդկական «Պրալայ» (Pralay) տակտիկական՝ կարճ հեռահարությամբ, հրթիռների հնարավոր մատակարարման շուրջ բանակցությունները։ Այս մասին հայտնում է հնդկական IDRW պաշտպանական պորտալը։

Ըստ աղբյուրի՝ քննարկվում է «Պրալայ»-ի արտահանման տարբերակը։ Հրթիռի առավելագույն հեռահարությունը 290 կիլոմետր է։

IDRW-ն գրում է, որ Հայաստանի հետաքրքրությունը հնդկական հրթիռների նկատմամբ դիտարկվում է որպես Երևանի և Նյու Դելիի միջև պաշտպանական գործակցության ընդլայնման շարունակություն։

«Պրալայ»-ը հնդկական արտադրության ցամաքից ցամաք արձակվող տակտիկական հրթիռ է, որը նախատեսված է բարձր ճշգրտությամբ թիրախների խոցման համար։