Իսրայելի հաջորդ հիմնական խնդիրը Իրանի ռեժիմի տապալումն է․ Նեթանյահու
Իսրայելի վարչապետ Բենիամին Նեթանյահուն այցելել է Իսրայելի, Լիբանանի և Սիրիայի սահմանների մերձակայքում գտնվող Հերմոն լեռան գագաթ։
Ռոշ հա-Շանա հրեական տոնին ընդառաջ Նեթանյահուն հայտարարել է, որ Իսրայելը վերահսկում է Հերմոն լեռից մինչև Յարմուք գետ, ինչպես նաև Միջերկրական ծով ձգվող տարածքը՝ դա անվանելով «աննախադեպ և ամբողջական վերահսկողություն»։
Նրա խոսքով՝ Իսրայելի հաջորդ հիմնական խնդիրն Իրանի ռեժիմի տապալումն է։
Նեթանյահուն հայտարարել է, որ այդ նպատակին հասնելուն մոտ է և Իսրայելը վճռական է այն իրականացնելու հարցում։
