Սպիտակ տունը հերքել է FT-ի տեղեկությունը՝ ԱՄՆ-ի բանակցային թիմի փոփոխության մասին

Սպիտակ տունը հերքել է Financial Times-ի տեղեկությունը՝ ԱՄՆ-ի բանակցային թիմի կազմի հնարավոր փոփոխության վերաբերյալ։

Սպիտակ տան ներկայացուցիչը հայտարարել է, որ հրապարակումը չի համապատասխանում իրականությանը՝ այն անվանելով «ցածր մակարդակի անանուն աղբյուրներին վերագրվող պատմություն, որոնցից ոչ մեկը նույնիսկ չնչին պատկերացում չունի, թե ինչի մասին է խոսում»։

FT-ն ավելի վաղ գրել էր, որ ԱՄՆ-ը դիտարկում է Ռուսաստանի և Ուկրաինայի միջև բանակցություններում Սթիվ Ուիթքոֆի և Ջարեդ Քուշների դերերի սահմանափակման և ԿՀՎ տնօրեն Ջոն Ռեթքլիֆի ներգրավվածության մեծացման տարբերակը։