ԱՄՆ-ն դուրս է բերել զորքն Իրաքից. ԻՊ-ի դեմ 12-ամյա գործողությունն ավարտված է

ԱՄՆ «Անսասան վճռականություն» (Inherent Resolve) գործողությունն Իրաքում ավարտվեց․ այս մասին հայտարարել է ԱՄՆ կենտրոնական հրամանատարությունը (CENTCOM):

Առկա տեղեկությունների համաձայն՝ սեպտեմբերի 30-ին ամերիկյան զորքը լքել է Իրաքի Էրբիլ քաղաքի ավիաբազան, և դրանով իսկ «Անսասան վճռականություն» գործողությունն ավարտվել է։

Հաղորդվում է, որ գործողության շտաբն այժմ գտնվում է Հորդանանում, որտեղից էլ կշարունակվի Սիրիայում «Իսլամական պետություն» ահաբեկչական խմբավորման դեմ պայքարը։

Էրբիլի ավիաբազայում ԻՊ-ի դեմ պայքարին մասնակցել է ԱՄՆ-ի և կոալիցիայի մինչև 1500 զինծառայող։

Հիշեցնենք, որ ԱՄՆ գլխավորած ռազմական առաքելությունն ԻՊ-ի դեմ գործողություններն սկսել էր 2014 թվականին։