ԱՊՀ երկրների ղեկավարների խորհրդակցություն․ ի՞նչ հայտարարություններ են արել առաջնորդները

Ռուսաստանի և Անկախ պետությունների համագործակցության (ԱՊՀ) անդամ երկրների ապրանքաշրջանառությունը 2025 թվականին գերազանցել է 110 միլիարդ դոլարը և շարունակել է աճել 2026 թվականին։ Այս մասին հայտարարել է Ռուսաստանի նախագահ Վլադիմիր Պուտինը Թուրքմենստանում ԱՊՀ ղեկավարների խորհրդակցության ժամանակ․ գրում է ՏԱՍՍ-ը։

Պուտինի խոսքով՝ այս տարվա առաջին կեսին ՌԴ-ի և ԱՊՀ անդամ երկրների ապրանքաշրջանառությունն աճել է ևս 19%-ով։ ՌԴ ղեկավարի խոսքով՝ ԱՊՀ-ն կարող է շատ ավելի մեծ հաջողությունների հասնել, եթե հետևի առևտրային խոչընդոտների վերացման ուղուն։

Բելառուսի նախագահ Ալեքսանդր Լուկաշենկոն հայտարարել է, որ ԱՊՀ ներուժը սպառված չէ։

Ադրբեջանի նախագահ Իլհամ Ալիևը հայտարարել է, որ իր երկիրը պատրաստ է ստանձնել ԱՊՀ նախագահությունը 2028 թվականին և կազմակերպել ԱՊՀ պետությունների ղեկավարների խորհրդի նիստ այդ տարվա աշնանը։

Թուրքմենստանի նախագահ Սերդար Բերդիմուհամեդովն իր ելույթում ընդգծել է, որ ԱՊՀ երկրների միջև առևտրատնտեսական կապերը կայուն զարգանում են, և վերջին տարիներին ընդհանուր առևտրաշրջանառության մեջ դրական դինամիկա է նկատվում։