Կրեմլը դեռ չի ծանոթացել ԵԱՏՄ-ին ՀՀ անդամակցության կասեցման հետևանքների վերաբերյալ զեկույցին

Կրեմլը դեռևս չի քննարկել Եվրասիական միջկառավարական խորհրդի զեկույցը ԵԱՏՄ-ին Հայաստանի անդամակցության կասեցման հնարավոր հետևանքների վերաբերյալ․ ТАСС-ի փոխանցմամբ` հայտնել է Ռուսաստանի ղեկավարի մամուլի քարտուղար Դմիտրի Պեսկովը։

Ավելի վաղ Ռուսաստանի նախարարների կաբինետի մամուլի ծառայությունը հրապարակել էր Ռուսաստանի, Բելառուսի, Ղազախստանի և Ղրղզստանի կառավարությունների համատեղ զեկույցը՝ ՀՀ-ի համար Եվրասիական տնտեսական միության մասին պայմանագրի կասեցման հնարավոր հետևանքների մասին։

Զեկույցում ուրվագծվել է ԵԱՏՄ-ին Հայաստանի անդամակցության կասեցման հնարավոր ազդեցությունը հանրապետության տնտեսության վրա։