Թուրքիայի նախագահ Ռեջեփ Թայիփ Էրդողանը պաշտոնապես հաստատել է Թուրքիայի կողմից Շվեդիայի անդամակցությունը ՆԱՏՕ-ին: Թուրքական խորհրդարանի կողմից հավանության արժանացած արձանագրության վավերացումը հաստատելու մասին հրամանագիրը հրապարակվել է կառավարության պաշտոնական տեղեկագրում ՝ Resmi Gazete-ում:
Այսպիսով, Թուրքիայի կողմից ՆԱՏՕ-ին Շվեդիայի անդամակցության հաստատման գործընթացը պաշտոնապես ավարտված է։
Թուրքիայի խորհրդարանը անցած երեքշաբթի քվեարկել է ՆԱՏՕ-ին Շվեդիայի անդամակցության վավերացման օգտին: 346 պատգամավորներից կողմ է քվեարկել 287 – ը, դեմ ՝ 55-ը, չորսը ձեռնպահ են մնացել:
