Մեծ Բրիտանիան նախատեսում է 2025 թվականին 311 միլիոն դոլար ծախսել հրետանային զինամթերքի արտադրության մատակարարման շղթաների ձեռքբերման և ընդլայնման վրա՝ Ուկրաինայի պաշարներն ավելացնելու համար: Այս մասին գրում է Интерфакс-ը՝ հղում տալով բրիտանական կառավարության մամուլի հաղորդագրությանը:
Մամուլի հաղորդագրության մեջ, ի թիվս այլնի, նշվում է, որ Մեծ Բրիտանիան շուրջ 10 տարի միջազգային աջակցություն է ցուցաբերել Ուկրաինայի Զինված ուժերին:
Ըստ աղբյուրի՝ 2015 թվականից ի վեր երկրում վերապատրաստվել են ավելի քան 60 հազար ուկրաինացի զինվորականներ, ընդհանուր առմամբ՝ 2022 թվականից ի վեր Լոնդոնը Կիևին հատկացրել է գրեթե 15,2 միլիարդ դոլար ՝ տնտեսական, հումանիտար և ռազմական օգնության համար:
