Իրանի նախագահ Էբրահիմ Ռաիսին հեռախոսազրույց է ունեցել ՌԴ նախագահ Վլադիմիր Պուտինի հետ, տեղեկացնում է Mehr գործակալությունը։
Երկու նախագահներն անդրադարձել են ընդհանուր տարածաշրջանային շահերին, այդ թվում՝ կովկասյան տարածաշրջանում։
Հարավային Կովկասի տարածաշրջանում տեղի ունեցող զարգացումները որակելով «զգայուն»՝ Ռաիսին ընդգծել է տարածաշրջանի կայունությունը և Իրանի ռազմավարական շահերը պահպանելու Իրանի Իսլամական Հանրապետության կամքն ու պատրաստակամությունը։
