Բոլորի համար սա յուրատեսակ հնարավորություն է` հաղթահարելու և դուրս գալու ստորացման վիճակից։ Այս ամենը պատվի, արժանապատվության և հողի մասին է. այս մասին ABC media–ի հետ զրույցում ասել է քաղաքագետ Սուրեն Պետրոսյանը՝ անդրադառնալով «Տավուշը հանուն հայրենիքի» շարժման պայքարին։
«Մենք անընդհատ մարդկանց տալիս ենք խաղաղության օրակարգ, բայց դա իշխանության կողմից տրված հերթական սուտն է։ Այն, ինչ իրենք անում են, խաղաղության հետ ընդհանրապես աղերս չունի։ Դա անօգնականության և նվաստացման օրակարգն է, անընդհատ ճնշված լինելու օրակարգ է»,-նշել է Պետրոսյանը։
Նրա խոսքով՝ թշնամու առաջ միշտ խոնարհվում են, ծնկում են, փոխարենը գալիս են ու սեփական ժողովրդին ջարդում, ճնշում են։
