Օգոստոսի 4-ի գիշերը կրկին ժայթքել է Իտալիայի Սիցիլիա կղզու արևելյան ափին գտնվող Էտնա հրաբուխը․տեղեկացնում է La Stampa պարբերականը։
Լրագրողների տեղեկություններով՝ լավան ժայթքել է Վորագին խառնարանից և մեծ մոխրի ամպ է գոյացել, որի բարձրությունը ծովի մակարդակից կազմել է 10 կմ։
Իտալական La Sicilia պարբերականը տեղեկացրել է, որ հրաբխային մոխիրը հասել է Ակիրեալե քաղաք և Ջարե կոմունա։ Տարածվել է նաև Մասկալի քաղաքում, Ձաֆերանա և Միլո կոմունաներում, մասամբ՝ Ռիպոստո կոմունայում։
Բնական աղետի պատճառով փոփոխություններ են կատարվել Կատանիայի միջազգային օդանավակայանի չվացուցակում։ Օդանավակայանի ղեկավարությունը ստիպված է եղել հետաձգել, չեղարկել կամ այլ օդանավակայաններ տեղափոխել մի շարք չվերթներ։
