Բելառուսն ուժեղացրել է հսկողությունն Ուկրաինայի հետ սահմանին
Բելառուսի նախագահ Ալեքսանդր Լուկաշենկոն հայտարարել է, որ Բելառուսն ուժեղացրել է հսկողությունը Ուկրաինայի հետ սահմանին ուկրաինական անօդաչու թռչող սարքերի ոչնչացումից հետո։
«Այդ անօդաչու սարքերի հետ կապված իրադարձություններից հետո մենք ուժեղացրել ենք վերահսկողությունը բելառուսա-ուկրաինական սահմանին, ավելին՝ մենք այնտեղ կենտրոնացրել ենք մեր բանակի մի մասին», – ուրբաթ ռազմական անվտանգության հարցերով հանդիպման ընթացքում ասել է Լուկաշենկոն։
Նա հարցրել է զինվորականներին, թե ի՞նչ է այս պահին կատարվում սահմանին, արդյոք բոլոր ստորաբաժանումները դուրս են բերվել այն տարածք, որտեղ զորքերը կենտրոնացած են անկանխատեսելի իրադարձության դեպքում։
