Թուրքիայի իշխող «Արդարություն և զարգացում կուսակցության» (ԱԶԿ-AKP) հետ «Ժողովուրդ» (Cumhur) դաշինքի մեջ գտնվող «Ազգայնական շարժում կուսակցության» (ԱՇԿ-MHP) Դերեփազարը շրջանի պատգամավորը սպանվել է. գրում է Ermenihaber-ը։
Նշվում է, որ «ԱՇԿ»-ական Շաբան Քափը դեռևս չպարզված հանգամանքներով կռվի է բռնվել շրջանի Թերսանե թաղամասի բնակիչ ոմն Բայրամ Կ.-ի հետ, որտեղ էլ վերջինս ատրճանակից պատգամավորի ուղղությամբ կրակ է բացել:
Ահազանգից հետո դեպքի վայր են մեկնել ոստիկանության և շտապօգնության բրիգադներ: Ծանր վիրավորում ստացած Քափին տեղափոխել են հիվանդանոց: Վերջինս հիվանդանոցում մահացել է:
