Վրաստանի նախագահ Սալոմե
Զուրաբիշվիլին Սահմանադրական դատարանի որոշումից հետո հայտարարել է, որ չի պատրաստվում
հրաժարական տալ։ Այս մասին գրում է «Կվիրա» գործակալությունը։
Վրաստանի Սահմանադրական
դատարանը եզրակացրել է, որ նախագահ Սալոմե
Զուրաբիշվիլին խախտել է օրենքը՝ հակադրվելով կառավարության արգելքին և կատարելով արտերկրյա
այցեր, ինչն էլ թույլ է տալիս նրա դեմ իմփիչմենթի գործընթաց սկսել։
«Ուզում եմ ձեզ ասել,
որ ես ոչ մի տեղ չեմ գնում, հրաժարական չեմ տալիս։ Այսօր մի կրակոցով սպանեցին եվրոպական
ապագան, գոնե փորձեցին դա անել, և ժողովրդավարությունը»,- ասել է Զուրաբիշվիլին՝ մեկնաբանելով
ՍԴ որոշումը։
