Լիբանանի վարչապետ Նաջիբ Միքաթին հայտարարել է, որ իր
երկիրը մտադիր չէ Իսրայելի հետ հակամարտության մեջ մտնել: Այս մասին գրում է Լիբանանի ազգային լրատվական
գործակալությունը։
«Մենք չենք ցանկանում, որ Լիբանանը պատերազմի մեջ մտնի», –
ասել է վարչապետը։
Միքաթիի խոսքերով՝ Բեյրութի նպատակն է պահպանել անվտանգությունն ու կայունությունը
պետության հարավում, պահպանել հանգստություն Լիբանանն ու Իսրայելը բաժանող Կապույտ
գծում, ինչպես նաև պահպանել ՄԱԿ-ի Անվտանգության խորհրդի 1701 բանաձևը՝ վերջ
դնելու Իսրայելի կողմից Լիբանանի ինքնիշխանության ոտնահարմանը ցամաքային, օդային և
ծովային ճանապարհով:
Վարչապետը կոչ է արել միջազգային
հանրությանը ազդել Իսրայելի վրա։
