Սպասվում է գետերում ջրի մակարդակի բարձրացում․ ՆԳՆ
Ըստ ՇՄՆ Հիդրոօդերևութաբանության և մոնիթորինգի կենտրոնի՝ մայիսի 4-ի երեկոյան և առաջիկա օրերին Հայաստանի Հանրապետության մի շարք գետերի ավազաններում՝ (Արփա, Եղեգիս, Հրազդան, Մարմարիկ, Վեդի սպասվում է ջրի մակարդակի էական բարձրացում՝ պայմանավորված ամպրոպային տեղումներով․ տեղեկացնում են ՆԳՆ-ից։
Հնարավոր են վտանգավոր ելքեր, ափամերձ տարածքների ողողումներ, հատկապես՝ Արենի-Եղեգնաձոր-Վայք, Հրազդան, Հանքավան, Աղավնաձոր և Ուրցաձոր հատվածներում։
Կազմակերպվել են իրազեկման աշխատանքներ, նախարարության պատասխանատու ստորաբաժանումները կապ են հաստատել գործընկեր կառույցների հետ, իսկ փրկարարական ստորաբաժանումներն անցել են արտակարգ ռեժիմով ծառայության։
