Ֆրանսիայի ծայրահեղ աջերի առաջնորդ Մարին Լը Պենի նկատմամբ պետական պաշտոններում առաջադրվելու 5 տարվա արգելք է կիրառվել
Ֆրանսիայի ծայրահեղ աջակողմյան «Ազգային ճակատ» կուսակցության նախագահ Մարին Լը Պենին արգելվել է 2027 թվականին առաջադրվել Ֆրանսիայի նախագահի պաշտոնում։ Դատարանը նրան մեղավոր է ճանաչել Եվրախորհրդարանի միջոցների յուրացման մեջ և անմիջապես արգելել է առաջադրվել պետական պաշտոններում․ գրում է The Guardian-ը։
56-ամյա Լը Պենը դատավճռից առաջ ասել է, որ ընտրություններին մասնակցելու ցանկացած արգելք նման կլինի «քաղաքական մահապատժի»։
Նշվում է, որ նա, ամենայն հավանականությամբ, անմիջապես կբողոքարկի դատավճիռը: Դատարանը Լը Պենի նկատմամբ պետական պաշտոններում առաջադրվելու համար հինգ տարվա արգելք է կիրառել։ Ըստ որոշման՝ վճիռը ուժի մեջ կմտնի անմիջապես։
Ֆրանսիական ծայրահեղ աջ «Ազգային միավորում» կուսակցության խորհրդարանական խմբակցության ղեկավարը մեղավոր է ճանաչվել Եվրամիության միջոցները յուրացնելու և կուսակցության գաղտնի ֆինանսավորման համար:
