Եվրոպայում շոգի ֆոնին մեծանում է վարակիչ հիվանդությունների տարածման վտանգը

Եվրոպայում մեծանում է վարակիչ հիվանդությունների տարածման վտանգը՝ պայմանավորված սովորականից ավելի երկարատև և շոգ ամառով․ գրում է Euronews-ը՝ հղում անելով Հիվանդությունների կանխարգելման և վերահսկման եվրոպական կենտրոնին (ECDC)։

«Տևականորեն պահպանվող բարձր ջերմաստիճանները ստեղծում են պայմաններ բազմաթիվ վարակների տարածման համար», – մամուլի հաղորդագրության մեջ հայտնել է առողջապահական գերատեսչությունը։

ECDC-ն առանձնացրել է 4 հիմնական ուղղություն, որոնց նկատմամբ իրականացնում է վերահսկողություն․ սննդի միջոցով փոխանցվող հիվանդություններ, մոծակների միջոցով փոխանցվող հիվանդություններ, տզերի միջոցով փոխանցվող հիվանդություններ և վիբրիոն ջրային բակտերիաների միջոցով փոխանցվող հիվանդություններ։