Ֆիլիպիններում արևադարձային փոթորիկների և մուսոնային անձրևների հետևանքով 19 մարդ է մահացել

Ֆիլիպիններում առնվազն 19 մարդ է մահացել «Լուիս» և «Մայմայ» արևադարձային ցիկլոնների, ինչպես նաև հարավարևմտյան մուսոնների ուժեղացման հետևանքով առաջացած հեղեղատարափ անձրևների հետևանքով։ Այս մասին հայտնել է Ֆիլիպինների քաղաքացիական պաշտպանության գրասենյակը։

Գործակալության տվյալներով՝ մահացություններ են գրանցվել հյուսիսային Բենգուետ, Ռիզալ և Բատանգաս նահանգներում։ Ամենաշատ զոհերը գրանցվել են Բենգուետում, որտեղ մահացությունների մեծ մասը պայմանավորված է եղել սողանքներով։ Եվս չորս մարդու ճակատագիրը մնում է անհայտ, իսկ 15 բնակիչ ստացել է տարբեր վնասվածքներ։

Անբարենպաստ եղանակային պայմաններն ազդել են երկրի տասը շրջանների վրա, այդ թվում՝ Մետրո Մանիլայում, ավելի քան 2.27 միլիոն մարդու վրա։ Մոտ 95,000 մարդ տեղավորվել է 919 տարհանման կենտրոններում։