Հայաստանը կմասնակցի BRICS-ի գագաթնաժողովին․ Ուշակով

ՌԴ նախագահի օգնական Յուրի Ուշակովը հայտարարել է, որ հոկտեմբերի 23-24-ը Կազանում կայանալիք BRICS և «Աութրիչ/BRICS+» գագաթնաժողովին կմասնակցեն 36 պետությունների ներկայացուցիչներ, այդ թվում՝ 22 ղեկավարներ։

Պաշտոնյան նշել է, որ ռուսական կողմը Կազան է հրավիրել իր ամենամոտ հարևաններին ԱՊՀ-ից, երկրների ներկայացուցիչներին, որոնք շահագրգռված են BRICS-ի անդամակցությամբ կամ սերտ գործընկերությամբ, ինչպես նաև այն երկրներին, որոնք ներկայումս նախագահում են առաջատար բազմակողմ կառույցները:

ՌԴ նախագահի օգնականը դրական է պատասխանել ճշտող հարցին, թե արդյոք նախատեսվու՞մ է Հայաստանի ներկայացուցիչների մասնակցությունը գագաթնաժողովի միջոցառումներին։