Իմ խնդրանքն է՝ գնացե՛ք ընտրության․ Աբրահամ Գասպարյան
Առանց ավելորդ պաթոսի, առանց ավելորդ շահագրգռվածության, խնդրում եմ ձեզ, պարզապես գնացեք ընտրության, ընդ որում՝ էական չէ, թե ում օգտին եք քվեարկում․ իր հղած տեսաուղերձում ասում է Genesis Armenia ուղեղային կենտրոն/հիմնադրամի տնօրեն, քաղաքագետ Աբրահամ Գասպարյանը։
«Այս ընտրություններով նաև վճռվելու է Հայաստան պետության հեռանկարն առհասարակ, հայկական պետության և հայկական ինքնության հեռանկարը։ Իմ խնդրանքն է ևս մեկ անգամ՝ բոլոր նրանք, ովքեր չեն գնացել քվեարկության, չեն գնացել ընտրության, թող գնան։ Սա ոչ թե քաղաքացիական պարտք է, այլ քաղաքացիական գիտակցություն է և պատասխանատվություն, նաև քաղաքական պատասխանատվություն մեր պետության, մեր հայրենիքի ճակատագրի համար, այնպես որ պինդ եղեք, կհանդիպենք արդեն ժամը 8-ից հետո»,- ասում է նա։
