Կարծում էինք՝ աշխարհագրական սարսափելի դիրքում ենք գտնվում, ԵՄ մեր գործընկերներն ասացին՝ ՀՀ դիրքը գերազանց է․ Նիկոլ Փաշինյան
Կա պատմական այնպիսի ընկալում, թե ՀՀ-ն սարսափելի աշխարհագրական դիրքում է գտնվում։ Այսօր ԵՄ մեր գործընկերներից լսեցինք, որ ՀՀ-ն գերազանց աշխարհագրական դիրք ունի, գտվում է Արևելքի և Արևմուտքը իրար կապող ամենակարճ ճանապարհի վրա․ ԵՄ պաշտոնյաների հետ համատեղ հայտարարության ընթացքում ասել է Նիկոլ Փաշինյանը։
«Պատմական այս ձևակերպումները արտահայտում են ժամանակաշրջանի փոփոխությունները, երբ մենք, նույն տեղում գտնվելով, քաղաքական գործընթացների արդյունքում աշխարհագրական սարսափելի դիրքից անցում ենք կատարում դեպի գերազանց դիրք»,-ասել է նա։
Մեր դիրքը օգտագործվում է էր մեր բոլոր խնդիրները բացատրելու համար, հիմա դա պիտի ծառայի իրականացնելու համար ինքնիշխան, ազատ, բարեկեցիկ, անվտանգ երկիր ունենալու տեսլականն իրագործելու համար։
Սա միակ նրբությունը չէ պատմական փոփոխությունների, այսօր ԵՄ-ն ընդունել է հայտարարություն, որով կոչ է անում տնտեսվարողներին ներդրումներ անել ՀՀ-ում։
