Կանադան ԱՄՆ-ին սպառնում է պատասխան քայլերով
Կանադան համաչափ կպատասխանի, եթե ԱՄՆ նախագահ Դոնալդ Թրամփը մարտի 4-ին ներմուծման մաքսատուրքեր սահմանի Օտտավայի նկատմամբ․ հայտարարել է Կանադայի վարչապետ Ջասթին Թրյուդոն։
«Եթե երեքշաբթի մաքսատուրքեր սահմանվեն, ապա, ինչպես նախորդ անգամ, մենք պատրաստ ենք ուժեղ և համաչափ պատասխան տալ»,- ասել է նա։
Անցյալ ամիս Կանադայի վարչապետ Ջասթին Թրյուդոն հայտնել էր, որ Կանադան կոշտ պատասխան կտա պողպատի և ալյումինի ներմուծման համար ԱՄՆ-ի մաքսատուրքերին: Նա ընդգծել է, որ Օտտավան կպաշտպանի կանադացի աշխատողներին և բիզնեսներին։
