Վրաստանի ԱԳ նախարարը հույս է հայտնել համագործակցելու հայ և ադրբեջանցի գործընկերների հետ՝ ի շահ տարածաշրջանի
Մենք ողջունում ենք Ադրբեջանի և Հայաստանի միջև կնքված խաղաղության համաձայնագիրը և նշում, որ Վրաստանը պատրաստ է նպաստել տարածաշրջանում խաղաղության և համագործակցության ամրապնդմանը։
Այս մասին ԵԱՀԿ գլխավոր քարտուղար Ֆերիդուն Սինիրլիօղլուի հետ համատեղ մամուլի ասուլիսում հայտարարել է Վրաստանի արտգործնախարար Մակա Բոչորիշվիլին։
«Ուրախ եմ, որ անցյալ շաբաթ Թբիլիսիում տեղի ունեցավ արտգործնախարարությունների եռակողմ հանդիպում։ Հանդիպումն առաջին անգամ է կայացել Վրաստանի, Հայաստանի և Ադրբեջանի Արտաքին գործերի նախարարությունների միջև, և ես հույս ունեմ, որ մենք կկարողանանք այս ձևաչափով համագործակցել՝ ի շահ տարածաշրջանի»,- նշել է Բոչորիշվիլին։
