ԱՄՆ պետքարտուղար Էնթոնի Բլինքենը հայտարարել է, որ Գազայի հատվածի ողջ բնակչությունը հումանիտար օգնության խիստ կարիք ունի։
«Ըստ գնահատականների՝ Գազայի բնակչության 100 տոկոսը պարենային խիստ անապահով վիճակում է, և նրանց անվտանգությունը լուրջ վտանգի տակ է: Սա առաջին դեպքն է, երբ մի ամբողջ բնակչություն դասակարգվում է այսպես։ Համեմատե՛ք այս թվերը Սուդանի հետ, որտեղ բնակչության 80 տոկոսը հումանիտար օգնության կարիք ունի և Աֆղանստանի հետ, որտեղ դրա կարիքն ունի մոտ 70 տոկոսը»,- ասել է Բլինքենը՝ Մանիլայում Ֆիլիպինների արտգործնախարար Էնրիկե Մանալոյի հետ բանակցություններին հաջորդած մամուլի ասուլիսի ժամանակ:
