Գազայի վերականգնման համար հատուկ հիմնադրամ կստեղծվի․ Al Hadath

Գազայի հատվածի վերականգնումը կֆինանսավորվի հատուկ հիմնադրամից, որում առաջին փուլում կներդրվի 2 մլրդ դոլարից մինչև 5 մլրդ դոլար. հայտնում է ТАСС գործակալությունը՝ հղում տալով Al Hadath հեռուստաալիքին։

Հեռուստաալիքի աղբյուրների համաձայն՝ նշված հիմնադրամը կկառավարեն արաբական երկրների անանուն ներկայացուցիչները։ Անկլավի վերակառուցումը վերահսկելու է «արաբ-եվրոպական կոմիտե», հեռուստաալիքը չի մասնամասնել, թե ով է մաս կազմելու դրան։