Քանդվել է կամուրջ, հեղեղվել է 3 գյուղ, մայրուղին փակվել է. վատ եղանակի հետևանքները ՌԴ-ում
Կուբանում եղանակային անբարենպաստ պայմանների հետևանքների վերացման համար ներգրավվել է 57 մարդ և 15 միավոր տեխնիկա:
Կուբանում երեք գյուղ է հեղեղվել ուժեղ տեղումներից և Դեֆան գետի ջրի մակարդակի բարձրացումից, հաղորդում է ՌԴ Կրասնոդարի երկրամասի քաղաքացիական պաշտպանության, արտակարգ իրավիճակների և բնական աղետների հետևանքների վերացման նախարարության գլխավոր վարչությունը։
««Մ-4 Դոն» դաշնային ավտոճանապարհին սելավը դուրս է եկել և երկու ուղղությամբ փակել մայրուղին: Ջրի հզոր հոսքը ողողել է տարածաշրջանի կամուրջներից մեկը։
Տուապսեի շրջանում բարդ իրավիճակ է։ Փրկարարները տարհանում են այնտեղ հանգստացող մանկական տուրիստական խմբերին։ Մոլդովական լեռնանցքով երթևեկությունը սահմանափակ է:
Նովոմիխայլովսկի առողջարանային գյուղում վարարած գետը հոսում է հենց բնակիչների պատուհանների տակ։ Մարդկանց տարհանում են հրշեջ մեքենաներով։
Նշվում է, որ անբարենպաստ եղանակային պայմանների հետևանքների վերացման համար ներգրավվել է 57 մարդ և 15 միավոր տեխնիկա:
Ինտենսիվ անձրևներն ու քամիները կշարունակվեն, ինչը կարող է հանգեցնել ջրի մակարդակի հետագա բարձրացման, այդ թվում՝ մինչև վտանգավոր աստիճանի:
Գերատեսչությունից հավելել են, որ իրավիճակը ՌԴ ԱԻՆ Կրասնոդարի երկրամասի գլխավոր վարչության հատուկ հսկողության տակ է:
