Նախագահական նստավայրի դիմաց բողոքի ակցիա իրականացնող «Քիմիկների»
զորամասի անհետ կորած զինծառայողների ծնողները փակել են Բաղրամյան-Պռոշյան խաչմերուկը՝ վարչապետ Փաշինյանի և նախագահ Վահագն Խաչատուրյանի հետ հանդիպման պահանջով։
Տեղում ծառայություն իրականացնող ոստիկանները բանակցում են ճանապարհը
բացելու համար։
Ծնողներից Կարինե Մանավազյանը ոստիկանության ծառայողներին ասաց,
որ 3 տարի դիմացել է, և հիմա անձամբ ինքն անում է այն, ինչ կարող է։
Հիշեցնենք՝ «Քիմիկների» զորամասի անհետ կորած զինծառայողների ծնողները
վաղ առավոտից հավաքվել էին կառավարության շենքի դիմաց, հետո՝ շարժվել դեպի նախագահական
նստավայր։
