ՄԻՊ-ն այցելել է հայրենադարձված գերիներին
Հունվարի 15-ին ՄԻՊ ներկայացուցիչները հանդիպումներ և խորհրդապահական առանձնազրույցներ են ունեցել Վագիֆ Խաչատրյանի, Գևորգ Սուջյանի, Դավիթ Դավթյանի և Վիգեն Էուլջեքջյանի հետ։
Քննարկվել են մարդու իրավունքներին առնչվող հարցեր:
«Վագիֆ Խաչատրյանին տեսակցել եմ «Նորք-Մարաշ» բժշկական կենտրոնում։ Բժշկական կենտրոնի տնօրեն Միքայել Ադամյանի հետ քննարկել եմ անձի բժշկական օգնության ու սպասարկման իրավունքին առնչվող հարցեր և շնորհակալություն հայտնել բուժանձնակազմին՝ մասնագիտական և բարեխիղճ աշխատանքի համար»,- սոցցանցի իր էջում գրել է ՀՀ ՄԻՊ Մանասյանը։
