Վարդան Ղուկասյանին հիվանդանոցից կրկին ԱԱԾ մեկուսարան են տարել
Գյումրիի կալանավորված համայնքապետ Վարդան Ղուկասյանը հիվանդանոցից տեղափոխվել է ԱԱԾ մեկուսարան․ տեղեկացրել է նրա փաստաբան Զարուհի Փոստանջյանը։
«Բժիշկը կալանքի հետ անհամատեղելի ախտորոշում էր տվել, և նրան քրեակատարողական հիմնարկ տեղափոխելը կարելի է բնութագրել որպես հանցագործություն, ինչը միտված է մարդուն հասցնել մահվան։ Իսկ այն ՔԿՀ-ում, որտեղ պարոն Ղուկասյանն է գտնվում, բժիշկ չկա, միայն բուժքույր է»,- մանրամասնել է Փոստանջյանը։
