ABCMEDIA
Թող վերջնական խաղաղություն հաստատվի, իսկ փախստականները վերադառնան իրենց տները․ Հռոմի պապը՝ Արցախի մասին

Թող վերջնական խաղաղություն հաստատվի, իսկ փախստականները վերադառնան իրենց տները․ Հռոմի պապը՝ Արցախի մասին

Հռոմի Ֆրանցիսկոս պապն իր Սուրբ Ծննդյան ուղերձում հույս է հայտնել, որ Հայաստանը և Ադրբեջանը վերջնական խաղաղության կհասնեն:

«Թող Հայաստանն ու Ադրբեջանը մոտենան վերջնական խաղաղությանը՝ փախստականներին վերադարձնելով իրենց տները, ապահովելով և հարգելով կրոնական ավանդույթներն ու պաշտամունքի վայրերը», – ասել է հովվապետը:

Հռոմի պապը դեմ է արտահայտվել պատերազմի տրամաբանությանը և զենքի արտադրությանը` խաղաղության կոչ անելով համաշխարհային հակամարտությունների համար, այդ թվում ՝ Ուկրաինայում, Մերձավոր Արևելքում և Հարավային Կովկասում:

Հռոմի Ֆրանցիսկոս պապը նաև «զազրելի» է անվանել հոկտեմբերի 7-ին ՀԱՄԱՍ-ի հարձակումը Իսրայելի վրա և կրկին կոչ է արել Գազայի հատվածում դեռևս պահվող մոտ 100 պատանդներին ազատ արձակել: