Հարավային Կովկասն արդեն մտել է խաղաղության շրջան. Հաջիև
Հարավային Կովկասն արդեն մտել է խաղաղության շրջան. Անթալիայի 5-րդ դիվանագիտական ֆորումի շրջանակում կազմակերպված նիստի ժամանակ հայտարարել է Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։
Նա նշել է, որ Ադրբեջանի նախաձեռնությամբ իրականացվող էներգետիկ նախագծերը ներկայում ծառայում են համաշխարհային էներգետիկ անվտանգությանը և միաժամանակ ապահովում են տարածաշրջանի երկրների շահերը։
Նա նշել է, որ «հայ-ադրբեջանական հակամարտության լուծումը հատկապես կարևոր է տարածաշրջանային տեսանկյունից»:
Ալիևի օգնականն ընդգծել է, որ Ադրբեջանը քայլեր է ձեռնարկում Հայաստանի հետ հարաբերությունները կարգավորելու համար, և համապատասխան համաձայնագիրը նախաստորագրվել է անցյալ օգոստոսին՝ ԱՄՆ ղեկավարության մասնակցությամբ։
Հիքմեթ Հաջիևը նշել է, որ վերջին 30 տարիների ընթացքում ԵԱՀԿ Մինսկի խմբի կողմից տարածաշրջանին պարտադրված արտաքին կարգավորման մոդելը չի կարողացել արդյունքներ տալ. «Սա ևս մեկ անգամ ցույց է տալիս, որ տարածաշրջանում իրական արդյունքների կարելի է հասնել միայն տեղական գործակալության և առաջնորդության միջոցով»։
Նա հավելել է, որ տարածաշրջանում այժմ ձևավորվել է նոր ստատուս քվո, և Հարավային Կովկասը մտել է խաղաղության շրջան, սակայն Հիքմեթ Հաջիևը նշել է, որ մոտակա տարածաշրջանում ի հայտ են գալիս նոր հակամարտության գոտիներ։
Տարածաշրջանային կապի նախագծերի կարևորության վերաբերյալ նա ընդգծել է, որ Ադրբեջանը Կենտրոնական Ասիայի երկրների հետ համատեղ մշակում է տրանսկասպյան տրանսպորտային նախագծեր։
Նրա խոսքով՝ Բաքու-Թբիլիսի-Կարս երկաթուղին կարևոր դեր է խաղում այս ուղղությամբ, իսկ «Զանգեզուրի միջանցքը» կարող է ստեղծել լրացուցիչ հնարավորություններ։
