Որքա՞ն արժի հոգեբանին այցը Եվրոպայում (տեսանյութ)

Եվրոպայում մարդիկ մշտական ճնշման տակ են տարբեր պատճառներով՝ աշխարհաքաղաքական ճգնաժամերի հետևանքով կյանքի թանկացում և աշխատանքի ավտոմատացում, որը սպառնում է աստիճանաբար կրճատել աշխատատեղերը։

Հոգեբանին դիմելը, կարծես, դարձել է ամենատարածված խորհուրդներից մեկը գերհոգնածության եզրին գտնվող կամ արդեն դրա դեմ պայքարող մարդկանց համար․ գրում է Euronews-ը։

Eurofound-ի՝ աշխատանքային պայմանների բարելավմամբ զբաղվող ԵՄ գործակալության զեկույցը ներկայացնում է եվրոպական աշխատավայրերում սթրեսի մակարդակն ու թերապիայի արժեքը։ Արդյունքները, սակայն, բավական սթափեցնող են։

Մասնավոր մի քանի սեանսների միջին արժեքը, որոնք սովորաբար տևում են 45-60 րոպե, որոշ դեպքերում կարող է հասնել ամսական նվազագույն աշխատավարձի չափին։

Ֆրանսիան և Իսպանիան համարվում են ամենամատչելի երկրներից երկուսը․ Ֆրանսիայում ոչ միայն սեանսի արժեքն է համեմատաբար ցածր՝ սովորաբար 50-80 եվրո, այլ նաև պետական առողջապահական համակարգը ծածկում է ծախսի մինչև 60%-ը․ մնացած մասը սովորաբար հոգում է մասնավոր ապահովագրությունը՝ նրանց համար, ովքեր այն ունեն։

Գերմանիայում պատկերն այլ է։ Eurofound-ի տվյալներով՝ մասնավոր ապահովագրությունը չի ծածկում հոգեթերապիայի սեանսները։ Ավելին՝ մեկ այցը կարող է արժենալ 100-150 եվրո, իսկ 10 սեանսը կարող է արժենալ նվազագույն աշխատավարձի մոտ երկու երրորդից մինչև ամբողջական չափը։

Նշվում է, որ որոշ ոլորտներ ավելի շատ են տուժում, քան մյուսները, հատկապես նրանք, որոնք ներառում են հաճախորդների հետ անմիջական շփում։

Տեսանյութն՝ այստեղ։