Ռուսաստանը սգում է հայ ժողովրդի հետ․ ՌԴ ԱԳՆ
Ռուսաստանը սգում է հայ ժողովրդի հետ Օսմանյան կայսրությունում տեղի ունեցած Հայոց ցեղասպանության 111-րդ տարելիցի կապակցությամբ․ հայտարարել է Ռուսաստանի Արտաքին գործերի նախարարության խոսնակ Մարիա Զախարովան։
«Այսօր մենք մեր խորին ցավակցությունն ենք հայտնում հայ ժողովրդին և, ինչպես միշտ, սգում ենք նրանց հետ այս օրը։ Ես նաև կցանկանայի բոլորին հիշեցնել, որ Ռուսաստանի դիրքորոշումն օբյեկտիվ և հետևողական է․ էթնիկ պատկանելության հիման վրա զանգվածային ոչնչացման համար որևէ արդարացում չի կարող լինել», – նշել է դիվանագետը ճեպազրույցի ժամանակ։
Զախարովան ընդգծել է, որ հենց սկզբից Ռուսաստանն այս սարսափելի ողբերգությունն ընկալել է որպես սեփական վիշտ։
