Ռուսաստանի գլխավոր շքերթն այժմ կախված է Ուկրաինայից․ Զելեսնկի
Ռուսաստանը չաջակցեց Ուկրաինայի առաջարկին՝ «լիակատար հրադադարի» վերաբերյալ, և Ուկրաինան կկրկնի այն․ հայտարարել է նախագահ Վլադիմիր Զելենսկին։
«Այսօրվա դրությամբ մենք տեսնում ենք, որ Ռուսաստանը մեր առաջարկին՝ հրադադարի վերաբերյալ, արձագանքել է միայն նոր հարվածներով, նոր հարձակումներով։ Ռուսաստանը չի դադարեցրել իր որևէ ռազմական գործունեություն»,- ասել է Զելենսկին։
Նրա խոսքով՝ կախված այսօրվա և վաղվա իրավիճակից՝ նրանք նույնպես կորոշեն, թե ինչ պատասխան տալ ռուսական կողմին։
«Ռուսաստանը կռվել է այնքան, որ նույնիսկ նրանց գլխավոր շքերթն այժմ կախված է մեզանից։ Եվ սա հստակ ազդանշան է․ մենք պետք է այն ավարտենք»,- հավելել է նա։
Զելենսկիի խոսքով՝ Ուկրաինան ձգտում է արժանապատվորեն ավարտել այս պատերազմը և պատրաստ է աշխատել այդ ուղղությամբ։
